Дарсны темасы: Тил гесимлер

Дарсны мурады:

1.Яшланы янгы тема булан таныш этив

2. Тюзьязывну ва тазаязывну уьстюнде иш юрютюв.

3.Охувчуланы ана –тилге бакъгъан сюювюн артдырыв.

Къоллав алатлар:, компьютер, проектр, тетслер, шиърулар.

Дарсны тайпасы- янгы билим берив

                             Дарсны барышы.

1.Дарсгъа гиришив.

Муаллимни гиришив сёзю. Салам яшлар!

-Яшлар , шу дарс насипли дарслардан бириси болсун!

Юреклеригиз шатлыкъдан толсун,

Къайгъы недир билмегиз.

Бешлер тюгюл гёрмегиз!

-Биз бугюн сизин булан ачыкъ дарс оьтгеражекъбиз.

Дарсыбызны темасы: «Тил гесимлер».

Мурадыбыз: Сизин янгы тема булан таныш этмек .

Тюзьязывну ва тазаязывну уьстюнде иш юрютюв

Ана тилге бакъгъан сюювюбюзню артдырмакъ.

   Бугюнгю дарсны мен А.Акъаевни шу шиърусу  булан ачмагъа  сююемен.

Ана  сёзсюз къалса инсанлар бирден

Тилкъав болуп дюнья гюню батыла

Бир балагь арекде адамлар бизден

Балабызны ана тили бар тура

2.Уьйге берилген ишни тергев.

 Уьйге не берилген эди?

а) Къошма сезлер. Къошма сёзлер булан жумлалар къурма.

1.Къошма сёзлер деп нечик сёзлеге айтыла?

2.Къошма сёзлер нечик этилмеге бола?

  Яшлар соравлагъа жаваплар берелер?

Къошма сёзлер булан жумлалар айталар.

III.Беклешдирив

а) суратлагъа къарап къошма сёзлени табалар.

IV Янгы дарсны уьстюнде ишлев

Тил гесимлер

1.Атлыкъ-существительное

2.Сыпатлыкъ-прилагательное

3.Санавлукъ-числительное

4.Ишлик –глагол

Физминутка

Атлыкъ-эре тур

Сыпатлыкъ-харс ур

Санавлукъ- къолларынгны оьрге гётер

Ишлик-олтур.

КЪЫЗЫЛ,ОХУВЧУ,ИШЛЕЙ,БИР, БИЙИК,ЭКИ, ЯЗА, УЛАН,ОЙНАЙ

V. Беклешдирив

Китап булан ишлев

Тапшурув 123 бет 65.

VI. Янгы дарсны беклешдирив.

                                 ( Соравлагъа гёре оьтгериле)

1.Яшлар, бугюн не тема булан таныш болдугъуз?

2. Къайсы тил гесимлер булан таныш болдугъуз?

3.Къайсы сыдрада бары да сёзлер атлыкълар?

а)Аччы, яш, юрюй

б)Муаллим, къыз, тептер.

в)Уллу, ишлей, охуй.

4.Къайсы сыдрада бары да сёзлер сыпатлыкълар?

а)Юзе, агъа, тавукъ.

б)Мишик, иче, сют.

в)Къызыл, татли, бийик.

5. Къайсы сыдрада бары да сёзлер санавлукълар?

а)Он, бешинчи, экишер

б)алты, уьч, яш

в)уллу, алма, эки.

6. Къайсы сыдрада бары да сёзлер ишликлер?

а)Яшыл, юзюм, аччы.

б)Яза, гёре, олтура.

в)Алгъан, къурчакъ, ойнама.

VII. Дарсны жамы. Къыйматлав.

VIII.Уьйге иш. Тил гесимлер. Тапшурув122 бет 65.

   Шу дарсыбызда , яшлар сизин кепигиз шат буса, гюнню гёрсетигиз. Пашман буса булутланы гёрсетигиз

Кёп савболугъуз гьюрметли охувчулар! Бугюн дарсда сиз арив ортакъчылыкъ этдигиз. Дарс битди.